Ferdi Louw besluit om binnehuis-versierder te word terwyl hy Skone Kunste studeer aan die Pretoria Technikon. As student begin hy ook belangstel in die restoreer van antieke meubels en porselein. So raak hy betrokke by die Vereniging van Handelaars in Oudhede. Hy bly tegelyk 'n kunstenaar en hou 'n eenman-uitstalling in die Beuster-Skolimowski galery. Deesdae skilder hy pragtige muurskilderye, trompe l'oeil fresko's en ander kunswerke wat in verskeie van sy kliënte se huise pryk.

Hy ontmoet sy eerste solo kliënt terwyl hy vir die bekende versierder en antieke handelaar Pieter Oosthuizen werk. Daarna werk Ferdi (as kreatiewe konsep konsultant) vir vyf jaar saam met Elize Labuschagne - 'n pionier van ons plaaslike binnehuis-versiering. Hulle werk saam aan verskeie groot projekte, byvoorbeeld die nuwe interieur vir die Franse Ambassade in Pretoria. Ander hoogtepunte sluit in die besigheidsman Martin Jonker se kultuurhistoriese woning (ontwerp deur Sir Herbert Baker) wat Ferdi versier in die styl van die Hoog-Renaissance. Daar is ook projekte vir Amy Kleinhans ('n vorige Mej. Suid-Afrika), vir Balie Swart ('n voormalige Springbok rugbyspeler) sowel as vir diplomate.

Ferdi het vir etlike maande met 'n rugsak deur Europa getoer, en geniet dit om kuns-safari's diep in Afrika in te onderneem. Jy kan seker wees dat hy jou hele projek baie bekwaam sal bestuur, want hy kom uit 'n familie met 'n gesonde sin vir besigheid. Laastens beskou hy nog steeds sy hoërskool kunsonderwyser, Johann Deichmann (wie se persoonlike mentors Alexis Preller en Walter Battiss was) as 'n beslissende en blywende invloed ten goede in sy lewe.

 

Jason Axll is beide die kantoorbestuurder by PULSE en 'n ontwerper van blomversierings. Hy deug uitstekend vir albei hierdie take weens sy ondervinding (as aflosbestuurder) in die kleinhandel, gevolg deur etlike jare se werk vir een van die voorste blomversierders in die land, Willem Jansen van Vuuren. Willem se winkel - First Floor Flowers - het ook 'n afdeling vir binnehuis-versiering; dit was vir Jason 'n goeie inleiding tot hierdie vakgebied. Gedurende sy tyd by First Floor Flowers het die kliëntelys ingesluit: Koningin Elizabeth en ander lede van die Britse koninklike familie, kabinetsministers, ambassadeurs, televisie persoonlikhede en die organiseerders van talle belangrike byeenkomste. Blomme is 'n integrale en noodsaaklike deel van enige tuiste, kantoor of samekoms. Jason se kundigheid het beteken dat PULSE nou 'n spesialiteitsdiens kan aanbied in blomversiering, wat strek van korporatiewe en kleinhandel kontrakte tot funksies (groot of klein) sowel as troues. Dit kan weeklikse of twee-weeklikse sirkulasie-aflewering behels. Mense ontmoet Jason gewoonlik op die foon as kantoorbestuuder, terwyl Ferdi en Riaan hulle hande vol verf het.

 

Riaan Smit is al deel van die PULSE span (en
 sy voorganger, Ferdi Louw Studio) vir meer as
  15 jaar. Riaan het Ferdi ontmoet as Skone Kunste student aan die Pretoriase Technikon, waar sy hoofvak Drukprosesse was. Riaan tree tans op as studio bestuurder en hoof veldkunstenaar, waar hy (saam met Ferdi) verantwoordelik is vir die talle verftegnieke, muurskilderye en ander asemrowende afwerkings, wat al die handelsmerk van PULSE geword het. Hy het ook uitgebreide ervaring in die gasvryheid bedryf, en het selfs vir nege maande kreatiewe vaardighede in 'n kleuterskool aangebied. Oral het hy gawe getuigskrifte versamel, vanaf die mees uiteenlopende werkgewers - almal meer as gelukkig. 'n Hoogtepunt in sy loopbaan was sy restorasie en herontwerp van 'n hele Georgiaanse dorpshuis (erfenis gelys) in Edinburg, Skotland - insgelyks tot die tevredenheid van alle betrokkenes.

 

William Aphane is sedert 1999 verbonde aan die PULSE span. Hy het vyf jaar ondervinding in die motorsprei-bedryf by Armscor SA. William het 'n vrou en een kind en woon op die PULSE perseel. Hy is die veelsydige een in die span en het onmisbaar geword vir sy georganiseerde en sistematiese manier om dinge gedoen te kry. Sy diplomasie het tot gevolg dat hy dikwels as bemiddelaar moet optree tussen PULSE en ander kontrakteurs, terwyl daar op dieselfde perseel gewerk word. Sy skerp sin vir humor het hom die reputasie gegee van hofnar in die groep. Dit is miskien die belangrikste: sonder hom neem die ander hulleself sommer gou te ernstig op.

· Kopiéreg © PULSE · Alle regte voorbehou · 
· E-pos · Verweb deur ·