Mense wat hulle huis wil oordoen is
 dikwels te gewoond aan die bestaande interieur, en sukkel om nuwe, kreatiewe moontlikhede daarin te sien. Hulle het te lank reeds saamgeleef met die meubels en ander items, en besef nie meer wat werklik om hulle is nie. Wat hulle nodig het is verbeelding en 'n oog vir herskepping - maar gewoonlik kan hulle nog net probleme raaksien. Dit is waar PULSE se vars aanslag van groot waarde kan wees. Die kliënt kan byvoorbeeld slegs 'n ou en verweerde sitkamerstel sien. 'n Eenvoudige sloop-oortreksel kan egter die stel in iets heeltemal nuuts omskep, relatief goedkoop en maklik.

Wat nodig is vir oorspronklike en kreatiewe interieurs is die moed om met die gebruiklike te breek en jou instink te volg. Huise behoort iets te sê van die mense wat daar woon.

Hierdie afdeling vorm die kern van die dienste wat PULSE aanbied. In sommige gevalle wil kliënte heeltemal van nuuts af begin. Hier kan PULSE raad gee oor alle aspekte van die interieur: aanskaf van nuwe

meubels, gordyne, matte, kussings, oortreksels en ander dekor items, asook die kleurskemas vir binne- en buitemure.

Ferdi se talent vir ongewone kombinasies kan gesien word in hierdie treffende woonkamer, in die huis van Pretoria argitek Tienie de Ridder. Tienie het die art deco stoele op Ferdi se advies aangekoop, nadat kennisse besluit het om daarmee weg te maak. Die sagte kurwes en gerief dien as 'n perfekte kontras vir die amper strak minimalisme in die res van die huis. Die muurbehangsel in die agtergrond is eenvoudig 'n gedig, wat gedruk is op 'n strook deursigige materiaal. Die ongewone lengte trek die oog outomaties opwaarts en beklemtoon so die dubbel-volume ruimte in die kamer. Die

lae, glas koffietafel op pootrollers laat mens toe om die koeivel-mat te bewonder, terwyl die wiele die tafel maklik verskuifbaar maak.

Ferdi se liefde vir tuine het daartoe gelei dat sy binnehuis diens uitgebrei is na landskap ontwerp. In Tienie se tuin is sterk, hoekige vorms van gras en gruis ingespan, afgewissel met inheemse bome. Die byna klassieke geometrie van die leiklip swembad het hy daarna beklemtoon met vier betonballe, gepak in 'n presiese vierkant (as mimiek) om die swembad.

Addisionele foto's kan gesien word op die Galery bladsy.

· Kopiéreg © PULSE · Alle regte voorbehou · 
· E-pos · Verweb deur ·